Мастакі

Творчы гурт прафесійных мастакоў па шкле дзейнічае на заводзе болей 50 гадоў.

У ліку першых аўтараў былі выпускнікі ЛВХПУ ім.Мухінай Л.Мягкова і Ў.Мурахвер, потым да іх далучыліся З.Раудвеэ, К.Вакс, У.Дзівенская, В.Жохаў. У 50-х гадах актыўна фармаваўся вобраз нёманскага шкла, цяпер усім вядомы.

Больш 9 тысяч відаў вырабаў масавай вытворчасці, сувенірных і дэкаратыўных твораў створаны мастакамі завода. Сотні выстаў, мноства ўзнагарод і прызоў, многія мільёны вырабленых на заводзе ваз, збаноў, куфляў і іншых сервіравальных вырабаў са шкла і крышталю — гэта вынік працы завадскіх мастакоў.

Сёння на шклозаводзе «Нёман» працуюць мастакі новага пакалення, яны ўвабралі досвед і традыцыі заслужаных майстроў, паспяхова развіваюць сучасны дызайн шкла як у вырабах для масавага выпуску, так і ў дэкаратыўных выстаўных творах.

САМАХВАЛАЎ ВАСІЛЬ ДЗМІТРЫЕВІЧ

Нарадзіўся ў 1947 годзе

Адукацыя:

Мінская мастацкая вучэльня ім. Глебава 1963-1968гг.

Беларускі Дзяржаўны тэатральна-мастацкі інстытут (спецыяльнасць мастацкае шкло) 1972-1977гг.

З 1984 па 1986гг. – галоўны мастак Міністэрства Будаўнічых матэрыялаў БССР.

З 1986 па 2008гг. – галоўны мастак шклозавода «Нёман».

З 2008г. – вядучы мастак ААТ «Шклозавод «Нёман».

— Распрацоўка вырабаў са шкла і крышталю для масавай вытворчасці;

— Распрацоўка дэкаратыўных і падарункавых вырабаў і прызоў да фэстаў, конкурсаў і юбілейных датаў па заказах арганізацый.

---

СІДАРЭВІЧ ГАЛІНА МАЙСЕЕЎНА

Нарадзілася ў 1952 годзе ў вёсцы Бабёрык Брэсцкай вобласці.

Адукацыя:

1971г. – закончыла Мінскую мастацкую вучэльню.

1978г. – закончыла Беларускі Дзяржаўны тэатральна-мастацкі інстытут.

Працуе ў вобласці дэкаратыўна-ўжытковага мастацтва (мастацкае шкло), і прамысловага дызайну (посуд, сувеніры, прызы і г.д.). Брала ўдзел у стварэнні дэкаратыўнай люстры для Літаратурнага музея М.Багдановіча ў г. Мінску (у суаўтарстве), у стварэнні дэкаратыўнай люстры для Беларусбанка ў г. Горадне (у суаўтарстве). Стварыла дэкаратыўную рашотку для будынка амбасады РБ у Вільнюсе (Літва).

З 1983 г. брала ўдзел у мастацкіх выставах і выставах-кірмашах у Беларусі: у гарадах Горадні, Ліда, Мінск, Пінск, Віцебск; у Расіі ў гарадах: Масква, Смаленск; а таксама: у Літве, Польшчы, Італіі, Грэцыі, Югаславіі, Індыі, ЧССР, Аўстрыі, Германіі, Алжыры, ААЭ, Эфіёпіі, Германіі, Швецыі і інш.

Асноўныя творы:

— «Батлейка»

— «Пасля дажджу»

— «Цішыня»

— «Віно з дзьмухаўцоў»

— «Эдэм»

— «Салёны вецер»

— «Пляж»

— «Дрэвы»

— «Астэроіды»

— «Яечня з кетчупам»

Творы знаходзяцца ў Нацыянальным мастацкім музеі Беларусі, Беларускім музеі гісторыі культуры, Музеі Беларускага Палесся, Лідскім краязнаўчым музеі, Смаленскам гісторыка-краязнаўчым музеі, а таксама ў прыватных сходах калекцыянераў Англіі, ЗША, Італіі, Польшчы.

Узнагароджана Срэбным медалём ВДНГ СССР (1985г.).

Працуе мастаком на шклозаводзе «Нёман» з 1983г.

Жыве ў г. Бярозаўка Гарадзенскай вобласці.

ШЭЦІК СЯРГЕЙ ІВАНАВІЧ

Нарадзіўся ў 1967 годзе ў горадзе Слонім Гарадзенскай вобласці.

Адукацыя:

1982-1986гг. – Мінская мастацкая вучэльня ім. Глебава па спецыяльнасці скульптар-выканавец.

— Беларуская Дзяржаўная Акадэмія мастацтваў па спецыяльнасці мастак дэкаратыўна-ўжытковага мастацтва.

З 1996г. працуе мастаком на шклозаводзе «Нёман».

З 1992г. бярэ ўдзел у мастацкіх выставах ужытковага мастацтва (шкло) у г. Мінск, г. Горадня, г. Ліда, г. Будапешт (Венгрыя), г. Вільнюс (Літва).

Працы мастака знаходзяцца ў калекцыях Нацыянальнага Мастацкага музея ў г. Мінску, Гарадзенскага гісторыка-археалагічнага музея г. Горадня.

---

МУРАХВЕР УЛАДЗІМІР СЯМЁНАВІЧАЎ

Нарадзіўся ў 1931 годзе ў горадзе Ананьеў Адэскай вобласці.

У 1952 годзе скончыў Ташкенцкую мастацкую вучэльню.

У 1959 годзе скончыў Ленінградскую вышэйшую мастацка-прамысловую вучэльню імя В.І. Мухінай па спецыяльнасці «Кафлярства, мастацкая апрацоўка сцякла».

Пасля заканчэння вучэльні быў накіраваны на працу на шклозавод «Нёман» у якасці мастака.

На шклозаводзе «Нёман» працаваў з 1959 па 2000 год.

За час працы на прадпрыемстве стварыў болей за тысячу вырабаў са шкла, вялікая колькасць якіх укаранёная ў масавую вытворчасць якія вырабляюца і ў наш час.

Узнагароджаны:

1975 год – Ганаровая грамата Вярхоўнай Рады БССР

1963 – 1977 гг. –Чатыры Срэбныя медалі

1972 год – Бронзавы медаль

1983 год – Залаты медаль

1983 год – Знак «Выдатнік сацыялістычнага спаборніцтва МПСМ СССР

1990 год – Срэбны медаль Акадэміі майстэрства СССР, дыплом 1-й ступені, Ганаровае званне «Заслужаны дзеяч мастацтваў Беларускай ССР»

2000 год – медаль у гонар 2000-годдзя Хрысціянства

2001 год – Ганаровы знак Звязу мастакоў

2006 год – дыплом у гонар юбілею Звязу мастакоў

Працы таленавітага арыгінальнага мастака з поспехам дэманстраваліся і працягваюць дэманстравацца на шматлікіх міжнародных выставах, гандлёва-прамысловых кірмашах.

Акрамя сваёй шчырай працы над стварэннем новага асартыменту вырабаў, вёў вельмі вялікую грамадскую працу. Быў арганізатарам і трэнерам валейбольнай каманды мястэчка, чальцы якой дасягнулі пад яго кіраўніцтвам звання майстроў спорту, завошта неаднаразова ўзнагароджваўся ад спартовых грамадстваў ганаровымі граматамі. З'яўляўся ініцыятарам і кіраўніком дзіцячай студыі выяўленчага мастацтва. Працы Мастацкія студыі неаднаразова экспанаваліся на рэспубліканскіх выставах дзіцячай творчасці.

Знаходзіцца на заслужаным адпачынку. Але і цяпер бывае частым госцем на шклозаводзе «Нёман», таксама творча актыўны. Жыве ў горадзе Бярозаўка.

---

МЯГКОВА ЛЮДМІЛА МІХАЙЛАЎНА

Нарадзілася ў 1929 годзе ў горадзе Ленінградзе.

У 1959 годзе закончыла Ленінградскую Вышэйшую мастацка-прамысловую вучэльню імя В.І. Мухінай па спецыяльнасці «Кафлярства і мастацкая апрацоўка шкла».

Больш за 50 гадоў прапрацавала на шклозаводзе «Нёман» у якасці мастака, у пасады галоўнага мастака.

З'яўляецца чальцом Звязу мастакоў СССР, актыўным удзельнікам многіх выстаў і конкурсаў. Працы з поспехам экспануюцца на шматлікіх выставах, у тым ліку і на міжнародных. Мае Дыплом 1-й ступені за распрацоўку новых відаў шклавырабаў масавай вытворчасці і за ўдзел у выставе «Мастацтва і побыт» 1961 года.

Узнагароджана:

1961 год – Срэбны медаль СССР

1965 год – Залаты медаль ВДНГ СССР

1965 год – Бронзавы медаль ВДНГ СССР

1971 год – Бронзавы медаль ВДНГ СССР

1972 і 1973 гг. – Срэбныя медалі ВДНГ СССР

1981 год – медаль «За працоўнае адрозненне»

1985 год – Срэбны медаль ВДНГ СССР

1988 год – Ганаровая грамата Рады Міністраў СССР

1990 год – Срэбны медаль Акадэміі майстэрстваў СССР

2000 год – медаль у гонар 2000-годдзя Хрысціянства

2001 год – ганаровы Знак Звязу мастакоў

2006 год – Дыплом у гонар юбілею Звязу мастакоў

У 1977 і ў 1990 гг. прысвоена званне «Заслужаны дзеяч мастацтваў БССР».

Цяпер знаходзіцца на заслужаным адпачынку. Жыве ў горадзе Бярозаўка.